എങ്കിലും ഞാന്‍ നന്ദി പറയുന്നു
ഞാന്‍ കോരിക്കുടിച്ച വേദനകള്‍ക്ക്
ഞാന്‍ നീയെന്നുരുകിയുറങ്ങാത്ത രാവുകള്‍ക്ക്‌
ഞാന്‍ നീയെന്നുറങ്ങിയുണരാത്ത പകലുകള്‍ക്ക്
എങ്കിലും ഞാന്‍ നന്ദി ചൊല്ലുന്നു
ഞാന്‍ നീയെന്ന്‍ സങ്കല്പ്പിച്ച മുറിവുകള്‍ക്ക്
ഞാന്‍ നിന്റെയൊപ്പം നടന്ന കിനാവുകള്‍ക്ക്
ഞാന്‍ ശബ്ദം നല്‍കിയ നിന്റെ മൌനങ്ങള്‍ക്ക്
എങ്കിലും ഞാന്‍ നന്ദിയോതുന്നു
നീ തിരിച്ചറിയാതെ പോയ സ്നേഹത്തിന്
നീ എഴുതിത്തള്ളിയ എന്റെ വിചാരങ്ങള്‍ക്ക്
നീ പെയ്യാതെ ഞാന്‍ നനഞ്ഞ മഴകള്‍ക്ക്
എങ്കിലും ഞാന്‍ നന്ദി അറിയിക്കുന്നു
നീ എന്ന ഒന്നില്ലെന്നറിയിച്ച നിന്നോട്
എന്നിട്ടും ഇല്ലാതാവാന്‍ കഴിയാത്ത എന്നോട്
ഇനിയും ഞാന്‍ മുക്തമാവാത്ത നീ എന്ന ലോകത്തോട്‌
Tuesday, January 5, 2016
മുറിവുകള്‍
ഞാന്‍ വേദനിച്ച മുറിവുകള്‍
നീ അറിഞ്ഞിരുന്നില്ലെന്ന
തിരിച്ചറിവിപ്പോള്‍
നെടു നീളത്തില്‍ ഒരു തിരുമുറിവായി
നീ അറിഞ്ഞിരുന്നില്ലെന്ന
തിരിച്ചറിവിപ്പോള്‍
നെടു നീളത്തില്‍ ഒരു തിരുമുറിവായി
അനുവാദം
തോന്നുമ്പോള്‍ തോന്നുമ്പോള്‍
അനുവാദം കൂടാതെ കയറിവരാന്‍
നിനക്കാരാണെന്റെ ഹൃദയം
തുറന്ന്‍ തരുന്നത്...!!!
അനുവാദം കൂടാതെ കയറിവരാന്‍
നിനക്കാരാണെന്റെ ഹൃദയം
തുറന്ന്‍ തരുന്നത്...!!!
അടുത്ത ജന്മത്തില്‍
അടുത്ത ജന്മത്തില്‍
എനിക്കൊരു കഠിന-
ഹൃദയത്തിനുടമയാവണം
വെറുതെ പൂക്കുന്ന
പ്രണയങ്ങളെയാകെ
അടിച്ച് വൃത്തിയാക്കണം
വിരഹത്തിലിങ്ങിനെ
വേവാതിരിക്കണം
ഉപേക്ഷിച്ച് പോവുന്നവരോട്
ഒട്ടും വേദനതോന്നാതെ
യാത്ര പറയണം
വിഷാദങ്ങളെ പടിക്ക് പുറത്താക്കണം
എനിക്കെന്നെ കുറിച്ച് മാത്രം
ചിന്തിച്ച് ജീവിക്കണം
എനിക്കൊരു കഠിന-
ഹൃദയത്തിനുടമയാവണം
വെറുതെ പൂക്കുന്ന
പ്രണയങ്ങളെയാകെ
അടിച്ച് വൃത്തിയാക്കണം
വിരഹത്തിലിങ്ങിനെ
വേവാതിരിക്കണം
ഉപേക്ഷിച്ച് പോവുന്നവരോട്
ഒട്ടും വേദനതോന്നാതെ
യാത്ര പറയണം
വിഷാദങ്ങളെ പടിക്ക് പുറത്താക്കണം
എനിക്കെന്നെ കുറിച്ച് മാത്രം
ചിന്തിച്ച് ജീവിക്കണം
ഉയിര്‍ കാക്കാന്‍
മണല്‍ചുട്ട കരയില്‍
പൊള്ളിപ്പിടയുന്നു ഞാന്‍
ഉയിരുണങ്ങാത്തൊരു
ചെറുമത്സ്യമായ്
വര്‍ഷമേഘമേ നിന്‍
പെയ്ത്ത് കാക്കുന്നു ഞാന്‍
ഒന്നുമ്മവെച്ചെന്‍റെ
ഉയിരുകാക്കുവാന്‍
പൊള്ളിപ്പിടയുന്നു ഞാന്‍
ഉയിരുണങ്ങാത്തൊരു
ചെറുമത്സ്യമായ്
വര്‍ഷമേഘമേ നിന്‍
പെയ്ത്ത് കാക്കുന്നു ഞാന്‍
ഒന്നുമ്മവെച്ചെന്‍റെ
ഉയിരുകാക്കുവാന്‍
രൂപമാറ്റം
ഹൃദയത്തില്‍ ഇത്രയും
പ്രകമ്പനങ്ങള്‍ വരുത്താന്‍ തക്കവണ്ണം
ഏത് രാസ സമവാക്ക്യത്തിലാണ്
നീ എന്നെ രൂപമാറ്റം വരുത്തിയത്..!!!
പ്രകമ്പനങ്ങള്‍ വരുത്താന്‍ തക്കവണ്ണം
ഏത് രാസ സമവാക്ക്യത്തിലാണ്
നീ എന്നെ രൂപമാറ്റം വരുത്തിയത്..!!!
വേനല്‍
നിന്റെ മൌനമേഘങ്ങള്‍
കാറ്റടിച്ച്, കൂട്ടിയിടിച്ച്
ഇടിവെട്ടി മിന്നല്‍ പായിച്ച്
ആര്‍ത്തലച്ച് പെയ്യുംവരെ
ഞാന്‍ വറ്റി വരണ്ട വേനലാവും
കാറ്റടിച്ച്, കൂട്ടിയിടിച്ച്
ഇടിവെട്ടി മിന്നല്‍ പായിച്ച്
ആര്‍ത്തലച്ച് പെയ്യുംവരെ
ഞാന്‍ വറ്റി വരണ്ട വേനലാവും
എല്ലാം മിഥ്യയാണ്
എന്റെ സ്നേഹവും നിന്റെ മൌനവും
എന്റെ വിരഹവും നിന്റെ കരളുറപ്പും
എന്റെ പിടച്ചിലും നിന്റെ നിസംഗതയും
എല്ലാം എല്ലാം മിഥ്യയാണ്
എന്നിട്ടും എനിക്ക് വേദന തോരുന്നില്ലല്ലോ..!!
എന്റെ വിരഹവും നിന്റെ കരളുറപ്പും
എന്റെ പിടച്ചിലും നിന്റെ നിസംഗതയും
എല്ലാം എല്ലാം മിഥ്യയാണ്
എന്നിട്ടും എനിക്ക് വേദന തോരുന്നില്ലല്ലോ..!!
തകര്‍ന്നത്
നിനക്ക് ഊഹിക്കാനാവുമോ
ഞാന്‍ അത്രയ്ക്കും തകര്‍ന്നതും
ചില്ലുടഞ്ഞകം കിലുങ്ങുന്ന ഫ്ലാസ്ക് പോലെ
നിയന്ത്രണങ്ങള്‍ നഷ്ടപ്പെട്ട് വിഭ്രാന്തിയിലായതും
ഞാന്‍ അത്രയ്ക്കും തകര്‍ന്നതും
ചില്ലുടഞ്ഞകം കിലുങ്ങുന്ന ഫ്ലാസ്ക് പോലെ
നിയന്ത്രണങ്ങള്‍ നഷ്ടപ്പെട്ട് വിഭ്രാന്തിയിലായതും
ഭ്രാന്ത്
നിന്നെ പ്രണയിച്ച് തുടങ്ങിയത് മുതല്‍ക്കാണ്
പുറത്താരോടും മിണ്ടാതായതും
അകത്തെ നിന്നോട് മിണ്ടിക്കൊണ്ടേ ഇരിക്കുന്നതും
എനിക്ക് ഭ്രാന്താണെന്ന് നീ പോലും മുദ്രകുത്തിയതും..!!
പുറത്താരോടും മിണ്ടാതായതും
അകത്തെ നിന്നോട് മിണ്ടിക്കൊണ്ടേ ഇരിക്കുന്നതും
എനിക്ക് ഭ്രാന്താണെന്ന് നീ പോലും മുദ്രകുത്തിയതും..!!
തനിച്ചാക്കിപ്പോയവര്‍
തനിച്ചാക്കിപ്പോയവര്‍
തനിച്ചായിപ്പോയവരെ
ഓര്‍ക്കുന്നേ ഉണ്ടാവില്ല
എന്നിട്ടും,
തനിച്ചായിപ്പോയവര്‍
തനിച്ചാക്കിപ്പോയവരെ
ഓര്‍ക്കാത്ത നിമിഷങ്ങളില്ല..!!
തനിച്ചായിപ്പോയവരെ
ഓര്‍ക്കുന്നേ ഉണ്ടാവില്ല
എന്നിട്ടും,
തനിച്ചായിപ്പോയവര്‍
തനിച്ചാക്കിപ്പോയവരെ
ഓര്‍ക്കാത്ത നിമിഷങ്ങളില്ല..!!
എന്റെ പുസ്തകം
മുറിവുകള്‍ തുന്നി ച്ചേര്‍ത്ത്
എനിക്കും ഒരു പുസ്തകമാക്കണം
''എന്റെ നിനക്കുള്ള മുറിവുകള്‍''
എനിക്കും ഒരു പുസ്തകമാക്കണം
''എന്റെ നിനക്കുള്ള മുറിവുകള്‍''
ഒന്ന് മറക്കാന്‍
ഓര്‍മകളുടെ ശിശിരകാലം താണ്ടി
കരിയിലകളാകെ അടിച്ച് കൂട്ടി കത്തിച്ച്
മുറ്റം ചാണകം മെഴുകി തീരാറാവുമ്പോള്‍
പെരുമഴയായി ഇനിയും നീ വരരുത്
ഞാന്‍ ഒരിക്കലെങ്കിലും നിന്നെ മറന്നോട്ടെ..!!
കരിയിലകളാകെ അടിച്ച് കൂട്ടി കത്തിച്ച്
മുറ്റം ചാണകം മെഴുകി തീരാറാവുമ്പോള്‍
പെരുമഴയായി ഇനിയും നീ വരരുത്
ഞാന്‍ ഒരിക്കലെങ്കിലും നിന്നെ മറന്നോട്ടെ..!!
നീ ഞാനായാല്‍
ഒരിക്കലെങ്കിലും നീ ഞാനായാല്‍
എന്റെ വേദന താങ്ങാനാവാതെ
അടുത്ത നിമിഷം നീ മരിച്ച് പോയേനെ..!!
എന്റെ വേദന താങ്ങാനാവാതെ
അടുത്ത നിമിഷം നീ മരിച്ച് പോയേനെ..!!
വാക്ക് കാത്ത്
ഒരു വാക്കിന്‍
ചീളുകാക്കുന്നു ഞാന്‍
നിന്നിലുറഞ്ഞ
മൌനസ്ഫടികമുടയുവാന്‍
ഈ നിശബ്ദതകള്‍
വാക്കാല്‍ മുഖരിതമാകുവാന്‍
ചീളുകാക്കുന്നു ഞാന്‍
നിന്നിലുറഞ്ഞ
മൌനസ്ഫടികമുടയുവാന്‍
ഈ നിശബ്ദതകള്‍
വാക്കാല്‍ മുഖരിതമാകുവാന്‍
ആത്മാവ്
ജീവിച്ചിരിക്കുന്ന ശരീരത്തില്‍ നിന്ന്
ആത്മാവ് സ്വതന്ത്രമാവുന്നത് മുതലാവും
പ്രണയം ജനിക്കുന്നത്/മരണം സംഭവിക്കുന്നത്
ആത്മാവ് സ്വതന്ത്രമാവുന്നത് മുതലാവും
പ്രണയം ജനിക്കുന്നത്/മരണം സംഭവിക്കുന്നത്
DO YOU KNOW .......?
DO YOU KNOW .......?
ഇല്ല എനിക്കറിയില്ല
എന്നെയും അയാള്‍ക്കറിയില്ല
ഇല്ല എനിക്കറിയില്ല
എന്നെയും അയാള്‍ക്കറിയില്ല
പിന്നെ എന്തിനാണിടയ്ക്കിടയ്ക്ക്
ഇവിടം സന്ദര്‍ശിക്കുന്നത്...?
ഇവിടം സന്ദര്‍ശിക്കുന്നത്...?
ഒരു ഹൃദയം മറന്ന് വെച്ചിരുന്നു
അതെടുക്കാന്‍ വരുന്നതാണ്.
അതെടുക്കാന്‍ വരുന്നതാണ്.
ചുമരെഴുത്തുകള്‍
ഹൃദയഭിത്തിയില്‍ അവള്‍ എഴുതിയ
ചുമരെഴുത്തുകളെ മായ്ച്ച് വെള്ളപൂശാന്‍
വിദഗ്ദ തൊഴിലാളികളെ തേടുന്നു.
ചുമരെഴുത്തുകളെ മായ്ച്ച് വെള്ളപൂശാന്‍
വിദഗ്ദ തൊഴിലാളികളെ തേടുന്നു.
വിധി
നീ എന്ന ഒന്നില്ലായിരുന്നു എന്നും
ഇനി ഉണ്ടായിരുന്നു എങ്കിലും
നീയെനിക്ക് ആരുമല്ലായിരുന്നു എന്നും
ഞാനിപ്പോള്‍ നിന്നെ ഓര്‍ക്കുന്നേ ഇല്ലെന്നും
എത്ര പറഞ്ഞാലും മനസ്സിലാവാത്ത
ഒരു തലതെറിച്ച മനസ്സിനെ പേറുന്നു ഞാന്‍
ഇനി ഉണ്ടായിരുന്നു എങ്കിലും
നീയെനിക്ക് ആരുമല്ലായിരുന്നു എന്നും
ഞാനിപ്പോള്‍ നിന്നെ ഓര്‍ക്കുന്നേ ഇല്ലെന്നും
എത്ര പറഞ്ഞാലും മനസ്സിലാവാത്ത
ഒരു തലതെറിച്ച മനസ്സിനെ പേറുന്നു ഞാന്‍
ഹൃദയ ഫയലുകള്‍
ഹൃദയത്തില്‍ ചില ഫയലുകള്‍ ഉണ്ട്
എത്ര ഡിലീറ്റ് ചെയ്താലും
തനിയെ റിക്കവര്‍ ചെയ്ത് പ്രത്യക്ഷപ്പെടുന്നവ
ജീവിതത്തില്‍ ചില ഫയലുകള്‍
അറിയാതെ കൈതട്ടി ഡിലീറ്റായി പോയത്
റിക്കവര്‍ ചെയ്യാന്‍ ഒരു സോഫ്റ്റ്‌വെയറുമില്ല..!!!
എത്ര ഡിലീറ്റ് ചെയ്താലും
തനിയെ റിക്കവര്‍ ചെയ്ത് പ്രത്യക്ഷപ്പെടുന്നവ
ജീവിതത്തില്‍ ചില ഫയലുകള്‍
അറിയാതെ കൈതട്ടി ഡിലീറ്റായി പോയത്
റിക്കവര്‍ ചെയ്യാന്‍ ഒരു സോഫ്റ്റ്‌വെയറുമില്ല..!!!
വിഷാദങ്ങളെ...
കാഴ്ചപോലും മറച്ച്
ഏത് വനാന്തരങ്ങളിലേക്ക് നാടുകടത്തിയാലും
തിരികെ എത്തുന്നതിന് മുന്‍പ്
ഏത് ഊടുവഴികളിലൂടെയാണ്
നിങ്ങള്‍ തിരിച്ചെത്തുന്നതെന്റെ
വിഷാദ ചിന്തകളേ..!!
ഏത് വനാന്തരങ്ങളിലേക്ക് നാടുകടത്തിയാലും
തിരികെ എത്തുന്നതിന് മുന്‍പ്
ഏത് ഊടുവഴികളിലൂടെയാണ്
നിങ്ങള്‍ തിരിച്ചെത്തുന്നതെന്റെ
വിഷാദ ചിന്തകളേ..!!
മഴ കുടയുന്നു
ഇടയ്ക്കിപ്പോഴും
മഴവന്ന്‍ കിനാക്കളിലേക്ക് കുടയാറുണ്ട്
വറ്റിപ്പോവുമെന്ന്‍ ഭയക്കുന്ന നിന്നെ,
ആ നനവോര്‍മകളെ.
മഴവന്ന്‍ കിനാക്കളിലേക്ക് കുടയാറുണ്ട്
വറ്റിപ്പോവുമെന്ന്‍ ഭയക്കുന്ന നിന്നെ,
ആ നനവോര്‍മകളെ.
ചിന്തകള്‍
വാക്കുകളെ
നാവിന്‍ തുമ്പില്‍ കുരുക്കി
നിനക്ക് മൌനിയാവാം
ചിന്തകളെ തടവിലിടാന്‍
നിനക്കെന്ത് ഉപാധിയാണുള്ളത്..!!
നാവിന്‍ തുമ്പില്‍ കുരുക്കി
നിനക്ക് മൌനിയാവാം
ചിന്തകളെ തടവിലിടാന്‍
നിനക്കെന്ത് ഉപാധിയാണുള്ളത്..!!
എന്റെ രാത്രികള്‍
എത്ര പകലുകള്‍ പുതച്ചാലാണ്
ഒരു രാത്രിയാവുക
നിന്റെ ഓര്‍മയുടെ പകലുകള്‍
വെളുത്ത് വെളുത്ത്
എന്റെ രാത്രികള്‍
കറുക്കുന്നേയില്ല..!!
ഒരു രാത്രിയാവുക
നിന്റെ ഓര്‍മയുടെ പകലുകള്‍
വെളുത്ത് വെളുത്ത്
എന്റെ രാത്രികള്‍
കറുക്കുന്നേയില്ല..!!
കൊള്ളിയാല്‍
നീയിപ്പോള്‍,
എന്റെ വിരഹമേഘങ്ങള്‍
തമ്മിലിടിച്ചുണ്ടാവുന്ന കൊള്ളിയാലാണ്
എന്നെ നിരന്തരം ആഘാതമേല്‍പ്പിക്കുന്നത്
എന്റെ വിരഹമേഘങ്ങള്‍
തമ്മിലിടിച്ചുണ്ടാവുന്ന കൊള്ളിയാലാണ്
എന്നെ നിരന്തരം ആഘാതമേല്‍പ്പിക്കുന്നത്
തെരുവില്‍
രാവിന്റെ തെരുവുകളിലിപ്പോള്‍
നിന്റെ സ്വരാക്ഷരങ്ങളുടെ പാട്ട് കേള്‍ക്കാറുണ്ട്
അപ്പോള്‍ ഞാന്‍ അന്ധനും മൂകനുമാവും
ഇരുചെവികളും ഹൃദയവും മാത്രമുള്ള
ഒരപൂര്‍വ ജീവിയാവും....!!!
നിന്റെ സ്വരാക്ഷരങ്ങളുടെ പാട്ട് കേള്‍ക്കാറുണ്ട്
അപ്പോള്‍ ഞാന്‍ അന്ധനും മൂകനുമാവും
ഇരുചെവികളും ഹൃദയവും മാത്രമുള്ള
ഒരപൂര്‍വ ജീവിയാവും....!!!
നിന്നെത്തിരയുന്നു
നീ ചൂടിയേക്കാവുന്ന മഴയില്‍
നീ പുതച്ചേക്കാവുന്ന വെയിലില്‍
നീ മയങ്ങിയേക്കാവുന്ന കാറ്റില്‍
ഞാന്‍ നിന്നെ തിരഞ്ഞുകൊണ്ടേയിരിക്കുന്നു.
നീ പുതച്ചേക്കാവുന്ന വെയിലില്‍
നീ മയങ്ങിയേക്കാവുന്ന കാറ്റില്‍
ഞാന്‍ നിന്നെ തിരഞ്ഞുകൊണ്ടേയിരിക്കുന്നു.
തരംഗങ്ങള്‍
ഏത് കടലിലും മരുഭൂമിയിലും
തരംഗ ദൈര്‍ഘ്യം കുറയാതെ
വാക്കുകള്‍ക്ക് സഞ്ചരിക്കാന്‍
ഹൃദയ സ്പന്ദന ചാലകം തീര്‍ത്തവളേ,
നീ എത്ര അകലെ/മറയിലായാലെന്ത്
നിലപ്പതുണ്ടോ നമ്മുടെ ഉള്‍തുടിപ്പുകള്‍
തരംഗ ദൈര്‍ഘ്യം കുറയാതെ
വാക്കുകള്‍ക്ക് സഞ്ചരിക്കാന്‍
ഹൃദയ സ്പന്ദന ചാലകം തീര്‍ത്തവളേ,
നീ എത്ര അകലെ/മറയിലായാലെന്ത്
നിലപ്പതുണ്ടോ നമ്മുടെ ഉള്‍തുടിപ്പുകള്‍
ഒറ്റയ്ക്കൊരു മൈന
ഹൃദയം ഉണ്ടെന്ന കാരണത്താല്‍
നിന്നെ ഓര്‍ക്കാതിരിക്കാന്‍
കഴിയാതെ പോയവന്‍
ഒറ്റയ്ക്ക് ഒറ്റയ്ക്കൊറ്റയ്ക്കൊരു മൈന
നിന്നെ ഓര്‍ക്കാതിരിക്കാന്‍
കഴിയാതെ പോയവന്‍
ഒറ്റയ്ക്ക് ഒറ്റയ്ക്കൊറ്റയ്ക്കൊരു മൈന
നീ മുളയ്ക്കുന്നത്
ഉള്ളിലെ കാളല്‍
നെഞ്ചിലെ പിടച്ചില്‍
കൈകാലുകളില്‍ ചോരുന്ന ഊര്‍ജ്ജം
മിഴിക്കോണിലെ നനവ്‌
അങ്ങിനെ അങ്ങിനെ
എവിടെയെല്ലാമാണ്
എങ്ങിനെയൊക്കെയാണ്
നീ പൊട്ടി മുളയ്ക്കുന്നത്
നെഞ്ചിലെ പിടച്ചില്‍
കൈകാലുകളില്‍ ചോരുന്ന ഊര്‍ജ്ജം
മിഴിക്കോണിലെ നനവ്‌
അങ്ങിനെ അങ്ങിനെ
എവിടെയെല്ലാമാണ്
എങ്ങിനെയൊക്കെയാണ്
നീ പൊട്ടി മുളയ്ക്കുന്നത്
മഴവിരിക്കപ്പുറം
നിന്റെ മഴവിരി ജാലകത്തിനപ്പുറം
നീ കണ്ടേക്കുമെന്ന് ഭയന്ന്‍
ആ വേനല്‍മരത്തിന്റെ മറപറ്റി ഞാനുണ്ട്
നീ കണ്ടേക്കുമെന്ന് ഭയന്ന്‍
ആ വേനല്‍മരത്തിന്റെ മറപറ്റി ഞാനുണ്ട്
Sunday, January 3, 2016
നിലവിളി
തെരുവുറങ്ങുന്ന നേരങ്ങളില്‍
നിന്നെ തിരഞ്ഞൊരു നിലവിളി
എന്റെ ഹൃദയത്തില്‍ നിന്നിറങ്ങി ഓടാറുണ്ട്..!!
നിന്നെ തിരഞ്ഞൊരു നിലവിളി
എന്റെ ഹൃദയത്തില്‍ നിന്നിറങ്ങി ഓടാറുണ്ട്..!!
ഉപേക്ഷിക്കുക എന്നാല്‍
ഉപേക്ഷിക്കുക എന്നാല്‍
രണ്ടു മരണങ്ങളാണ്
എന്നിലെ നീയും നിന്നിലെ ഞാനും
പിന്നെ, ഉടലെടുക്കുവോളം
നീ എന്റെ മൃതശരീരവും
ഞാന്‍ നിന്റെ മൃതശരീരവും പേറുന്നു.
രണ്ടു മരണങ്ങളാണ്
എന്നിലെ നീയും നിന്നിലെ ഞാനും
പിന്നെ, ഉടലെടുക്കുവോളം
നീ എന്റെ മൃതശരീരവും
ഞാന്‍ നിന്റെ മൃതശരീരവും പേറുന്നു.
തോരാ/രാമഴകള്‍
പെയ്ത് തോര്‍ന്നെന്ന്‍
തോന്നുകയും
അടുത്ത നിമിഷം മുതല്‍
ആര്‍ത്തലച്ച് പെയ്യുകയും ചെയ്യുന്നു
നമ്മുടെ തോരാ/രാമഴകള്‍
തോന്നുകയും
അടുത്ത നിമിഷം മുതല്‍
ആര്‍ത്തലച്ച് പെയ്യുകയും ചെയ്യുന്നു
നമ്മുടെ തോരാ/രാമഴകള്‍
എന്റെ കാഴ്ച...!!
ഏത് ആള്‍കൂട്ടങ്ങള്‍ക്കിടയിലാകിലും
മറ്റേത് സുന്ദര രൂപങ്ങള്‍ക്കരികിലാകിലും
നിന്നെ മാത്രം വേര്‍ത്തെടുത്ത് കാണുന്നു
എന്റെ കാഴ്ച...!!
മറ്റേത് സുന്ദര രൂപങ്ങള്‍ക്കരികിലാകിലും
നിന്നെ മാത്രം വേര്‍ത്തെടുത്ത് കാണുന്നു
എന്റെ കാഴ്ച...!!
നിന്റെ ഉദ്യാനങ്ങള്‍
നീ പതിവായി വരുന്ന ഉദ്യാനങ്ങളില്‍
നീ പതിവായി മധുവുണ്ണുന്ന പൂക്കളില്‍
പച്ചിലപ്പഴുതുകള്‍ക്കിടയിലൂടെ നിന്നെ കാണുന്നു.
നീ പതിവായി മധുവുണ്ണുന്ന പൂക്കളില്‍
പച്ചിലപ്പഴുതുകള്‍ക്കിടയിലൂടെ നിന്നെ കാണുന്നു.
നീ ഒരു പുരാതന ലിപി
എത്ര വായിച്ചാലും
മനസ്സിലാക്കാനാവാത്ത
ഒരു പുരാതനലിപിയിലേക്ക്‌
നീ പരിവര്‍ത്തനം ചെയ്യപ്പെട്ടിരിക്കുന്നു.
മനസ്സിലാക്കാനാവാത്ത
ഒരു പുരാതനലിപിയിലേക്ക്‌
നീ പരിവര്‍ത്തനം ചെയ്യപ്പെട്ടിരിക്കുന്നു.
ഇ സി ജി
എന്റെ ഹൃദയ കമ്പനങ്ങളെ
ചിത്രീകരിക്കുന്ന മാപിനിയില്‍
നീ ഇല്ലാത്ത നാളുകളത്രയും
ഒരു നേര്‍ രേഖയായിരിക്കും തെളിയുക..
ചിത്രീകരിക്കുന്ന മാപിനിയില്‍
നീ ഇല്ലാത്ത നാളുകളത്രയും
ഒരു നേര്‍ രേഖയായിരിക്കും തെളിയുക..
നീ ഉദിക്കുന്നതും കാത്ത്
അറ്റമില്ലാത്ത കഥകളില്‍ കയറി
രാവിലൂടെ തുഴഞ്ഞ് തുഴഞ്ഞ്
മറുകര എത്തുമ്പോഴേക്കും
നേരം വെളുക്കുന്നല്ലോ
ഇനി എന്നാവും നീയിനിയുമുദിക്കുക..!!
രാവിലൂടെ തുഴഞ്ഞ് തുഴഞ്ഞ്
മറുകര എത്തുമ്പോഴേക്കും
നേരം വെളുക്കുന്നല്ലോ
ഇനി എന്നാവും നീയിനിയുമുദിക്കുക..!!
എന്റെ വിളവ്‌
നിന്റെ അനിഷ്ടങ്ങളുടെ പാടങ്ങളില്‍
ഞാന്‍ വിതച്ച പ്രണയ വിത്തുകള്‍ കരിഞ്ഞു
സ്നേഹത്തിന്‍റെ ഒരായിരം ചോരപ്പൂക്കള്‍
പകരം തന്നത് ഇനി വിതയ്ക്കട്ടെ ഞാന്‍..!!
ഞാന്‍ വിതച്ച പ്രണയ വിത്തുകള്‍ കരിഞ്ഞു
സ്നേഹത്തിന്‍റെ ഒരായിരം ചോരപ്പൂക്കള്‍
പകരം തന്നത് ഇനി വിതയ്ക്കട്ടെ ഞാന്‍..!!
എന്റെ പുസ്തകശാല
നിന്നെകുറിച്ചെഴുതി
പ്രസിദ്ധപ്പെടുത്താത്ത
നോവുകളുടെ വരികളാണ്
എന്റെ ഹൃദയഅറകളിലെ
അലമാരിയിലെ പുസ്തകങ്ങള്‍
പ്രസിദ്ധപ്പെടുത്താത്ത
നോവുകളുടെ വരികളാണ്
എന്റെ ഹൃദയഅറകളിലെ
അലമാരിയിലെ പുസ്തകങ്ങള്‍
സ്നേഹ-പ്രണയ അതിരുകള്‍
അനുരാഗത്തിലേക്ക്
വക്രിച്ച്പോവുമെന്ന് ഭയപ്പെട്ട്
എന്നോട് പുഞ്ചിരിക്കാന്‍ പോലും
മടിക്കുന്നവളെ,
ഏത് കടലിനാണ് നമ്മുടെ
സ്നേഹ-പ്രണയ അതിരുകളില്‍
എന്നും കാവല്‍ നില്‍ക്കാനാവുക..!!
വക്രിച്ച്പോവുമെന്ന് ഭയപ്പെട്ട്
എന്നോട് പുഞ്ചിരിക്കാന്‍ പോലും
മടിക്കുന്നവളെ,
ഏത് കടലിനാണ് നമ്മുടെ
സ്നേഹ-പ്രണയ അതിരുകളില്‍
എന്നും കാവല്‍ നില്‍ക്കാനാവുക..!!
നീ/ഓര്‍മകള്‍/ഞാന്‍
കടലില്‍ എത്ര ദൂരേക്ക് എറിഞ്ഞാലും
തീരത്തേക്ക് തന്നെ വന്നടിയുന്ന
ഒഴിഞ്ഞ വെള്ളത്തിന്റെ കുപ്പിപോലാണ്
നീ/ഓര്‍മകള്‍/ഞാന്‍
തീരത്തേക്ക് തന്നെ വന്നടിയുന്ന
ഒഴിഞ്ഞ വെള്ളത്തിന്റെ കുപ്പിപോലാണ്
നീ/ഓര്‍മകള്‍/ഞാന്‍
ഉണങ്ങാത്ത മുറിവ്
അടര്‍ത്തിമാറ്റിയപ്പോള്‍
രണ്ടുപേര്‍ക്കും
ഒരേ ആഴത്തില്‍ മുറിഞ്ഞു
എന്നിട്ടും എന്റെത് മാത്രം
ഇനിയുമുണങ്ങിയില്ലല്ലോ
രണ്ടുപേര്‍ക്കും
ഒരേ ആഴത്തില്‍ മുറിഞ്ഞു
എന്നിട്ടും എന്റെത് മാത്രം
ഇനിയുമുണങ്ങിയില്ലല്ലോ
Saturday, January 2, 2016
കാലം വിഭജിക്കപ്പെട്ടത്
കാലം ഇപ്പോള്‍ രണ്ടായി വിഭജിക്കപ്പെട്ടു
നീ ഉണ്ടായിരുന്നത് എന്നും
നീ ഉപേക്ഷിച്ച് പോയത് എന്നും
നീ ഉണ്ടായിരുന്നത് എന്നും
നീ ഉപേക്ഷിച്ച് പോയത് എന്നും
തലവേദന
പുരികങ്ങള്‍ക്ക് മീതെ
നെറ്റിത്തടത്തിനരിക് ചേര്‍ന്നാവും
വേദനയുടെ പടയാളികള്‍
തമ്പടിച്ചിരിക്കുന്നത്
വിഷാദത്തിന്റെ
അപകടസൂചന കിട്ടുന്നത് മുതല്‍
അവ നെറ്റിത്തടമാകെ
വ്യാപിക്കുമ്പോഴാണ്
തലവേദന ഉണ്ടാവുന്നത്
നെറ്റിത്തടത്തിനരിക് ചേര്‍ന്നാവും
വേദനയുടെ പടയാളികള്‍
തമ്പടിച്ചിരിക്കുന്നത്
വിഷാദത്തിന്റെ
അപകടസൂചന കിട്ടുന്നത് മുതല്‍
അവ നെറ്റിത്തടമാകെ
വ്യാപിക്കുമ്പോഴാണ്
തലവേദന ഉണ്ടാവുന്നത്
സമയമാപിനി
നീ മിണ്ടിക്കൊണ്ടിരിക്കുമ്പോള്‍
സമയത്തിന്‍റെ ദൈര്‍ഘ്യം ചുരുങ്ങുകയും
നീ മൌനത്തിലാവുമ്പോള്‍
സമയത്തിന്‍റെ ദൈര്‍ഘ്യം കൂടുകയും
ചെയ്യുന്നതിനാല്‍
നമുക്കിടയില്‍ ഒരു സമയമാപിനി
കണ്ടെത്തേണ്ടിയിരിക്കുന്നു..!!!
സമയത്തിന്‍റെ ദൈര്‍ഘ്യം ചുരുങ്ങുകയും
നീ മൌനത്തിലാവുമ്പോള്‍
സമയത്തിന്‍റെ ദൈര്‍ഘ്യം കൂടുകയും
ചെയ്യുന്നതിനാല്‍
നമുക്കിടയില്‍ ഒരു സമയമാപിനി
കണ്ടെത്തേണ്ടിയിരിക്കുന്നു..!!!
വേദന
സ്നേഹമാണ് പാകിയത്
മുളച്ചതൊക്കെയും വേദന
പൂക്കളിൽ മധുവുണ്ട്
ഉപ്പുനീരുകലർന്നത്
ഹൃദയമിപ്പോൾ നീ പകർന്ന
വേദനയ്ക്കടിമപ്പെട്ടു.
മുളച്ചതൊക്കെയും വേദന
പൂക്കളിൽ മധുവുണ്ട്
ഉപ്പുനീരുകലർന്നത്
ഹൃദയമിപ്പോൾ നീ പകർന്ന
വേദനയ്ക്കടിമപ്പെട്ടു.
ജീവിതം
ജീവിതം ഒരു കടലാണ്
ഞാന്‍ തീരത്ത് സ്വപ്നങ്ങള്‍ വരച്ചിട്ടും വരച്ചിട്ടും
പൂര്‍ത്തിയാക്കാനാവാത്ത കുട്ടിയും
ഞാന്‍ തീരത്ത് സ്വപ്നങ്ങള്‍ വരച്ചിട്ടും വരച്ചിട്ടും
പൂര്‍ത്തിയാക്കാനാവാത്ത കുട്ടിയും
നോട്ടം
നീ ദ്വാരം വീഴ്ത്തിയ
ഹൃദയത്തിനുള്ളിലേക്ക്
നിന്റെ നോട്ടം
മഴചോരുന്നു
വെയില്‍ ചാറുന്നു
നിലാവുദിക്കുന്നു.
ഹൃദയത്തിനുള്ളിലേക്ക്
നിന്റെ നോട്ടം
മഴചോരുന്നു
വെയില്‍ ചാറുന്നു
നിലാവുദിക്കുന്നു.
എന്തതിശയലോകമിതപ്പനേ...!!!
എന്തെങ്കിലും തിന്നാന്‍ കിട്ടുമോ
എന്ന് വേവലാതിപ്പെടുന്നവര്‍ക്കിടയില്‍
എന്തൊക്കെ തിന്നരുത് എന്ന്
വിളംബരം ചെയ്യുന്ന ഭരണം
എന്തെങ്കിലും ഉടുക്കാന്‍ കിട്ടുമോ
എന്ന് വേവലാതിപ്പെടുന്നവര്‍ക്കിടയില്‍
എന്തുടുക്കരുത് എന്ന്
തിട്ടൂരമിടുന്നു മാന്യന്മാര്‍
ഉടുത്തത് എന്തൊക്കെ ഊരണം
എന്ന് കലഹിക്കുന്നു സമ്പന്നര്‍
എന്തതിശയലോകമിതപ്പനേ...!!!
എന്ന് വേവലാതിപ്പെടുന്നവര്‍ക്കിടയില്‍
എന്തൊക്കെ തിന്നരുത് എന്ന്
വിളംബരം ചെയ്യുന്ന ഭരണം
എന്തെങ്കിലും ഉടുക്കാന്‍ കിട്ടുമോ
എന്ന് വേവലാതിപ്പെടുന്നവര്‍ക്കിടയില്‍
എന്തുടുക്കരുത് എന്ന്
തിട്ടൂരമിടുന്നു മാന്യന്മാര്‍
ഉടുത്തത് എന്തൊക്കെ ഊരണം
എന്ന് കലഹിക്കുന്നു സമ്പന്നര്‍
എന്തതിശയലോകമിതപ്പനേ...!!!
നീ പിന്നെയും പിന്നെയും ജനിക്കുന്നു
വേദനയുടെ മധുചഷകം
നുകരുമ്പോഴൊക്കെ
നീ പിന്നെയും പിന്നെയും ജനിക്കുന്നു
ഞാന്‍ എന്നില്‍ നിന്നിറങ്ങി
നിന്നെയും കാത്തിരിക്കുന്നു
നുകരുമ്പോഴൊക്കെ
നീ പിന്നെയും പിന്നെയും ജനിക്കുന്നു
ഞാന്‍ എന്നില്‍ നിന്നിറങ്ങി
നിന്നെയും കാത്തിരിക്കുന്നു
ഞാന്‍ , നീ..
ഞാന്‍
പ്രണയത്തിന്റെ
നോവ്‌ പൂക്കുന്ന ഒറ്റമരം
നീ
എന്നിലേക്ക്
നിരന്തരം വീശുന്ന ഓര്‍മക്കാറ്റ്
പ്രണയത്തിന്റെ
നോവ്‌ പൂക്കുന്ന ഒറ്റമരം
നീ
എന്നിലേക്ക്
നിരന്തരം വീശുന്ന ഓര്‍മക്കാറ്റ്
അതിരുകളില്‍
അരുതുകളുടെ അതിരുകളില്‍
നിലാവ് പൂക്കുന്നു
ഞാനൊരു തെളിനീര്‍ തടാകമാവുന്നു
നിന്റെ കണ്ണുകള്‍
എന്നെ കോരിക്കുടിക്കുന്നു
നമ്മള്‍ ഒരേ കടലാവുന്നു.
നിലാവ് പൂക്കുന്നു
ഞാനൊരു തെളിനീര്‍ തടാകമാവുന്നു
നിന്റെ കണ്ണുകള്‍
എന്നെ കോരിക്കുടിക്കുന്നു
നമ്മള്‍ ഒരേ കടലാവുന്നു.
അപരിചിതര്‍
അത്രയേറെ തമ്മിലടുത്ത്
പിരിഞ്ഞവര്‍ കണ്ടുമുട്ടുമ്പോള്‍
അത്രയേറെ അപരിചിതരാവുന്നു
അദൃശ്യ തരംഗങ്ങളില്‍
അറിയാതെ തടഞ്ഞവര്‍
രണ്ട് ആഘാദങ്ങളാവുന്നു
പിരിഞ്ഞവര്‍ കണ്ടുമുട്ടുമ്പോള്‍
അത്രയേറെ അപരിചിതരാവുന്നു
അദൃശ്യ തരംഗങ്ങളില്‍
അറിയാതെ തടഞ്ഞവര്‍
രണ്ട് ആഘാദങ്ങളാവുന്നു
പ്രണയ വേദന
പ്രാണവേദനയെക്കാള്‍
വലുതാവും പ്രണയ വേദന
ആദ്യത്തേത്
ജീവിതത്തിന്‍റെ അന്ത്യത്തിലും
അടുത്തത്
ജീവിതത്തിലുടനീളവും വേദനിക്കുന്നു
വലുതാവും പ്രണയ വേദന
ആദ്യത്തേത്
ജീവിതത്തിന്‍റെ അന്ത്യത്തിലും
അടുത്തത്
ജീവിതത്തിലുടനീളവും വേദനിക്കുന്നു
എനിക്കെന്റെ കാമുകിയുടെ കാമുകനായാല്‍ മതി
അടുത്ത ജന്മത്തില്‍ എനിക്ക്
എന്റെ കാമുകിയുടെ
കാമുകനായാല്‍ മതി
അവനെ കുറിച്ച് പറയുമ്പോള്‍
അവളുടെ സ്വരം മധുരിക്കും
അവളുടെ കവിളുകള്‍ ചുവക്കും
നുണക്കുഴികള്‍ ചിരിക്കും
എനിക്കവനോടങ്ങിനെ
ഒന്നുമില്ലെന്നവള്‍ പറയുമ്പോള്‍
അവളുടെ ഹൃദയം അവനോട്
പ്രണയസാക്ഷ്യം പറയും
എന്നോടങ്ങിനെ ചെയ്തില്ലല്ലോ
എന്ന് ഞാന്‍ ചോദിക്കുമ്പോഴെല്ലാം
അല്ലെങ്കില്‍ ചോദിക്കാത്തപ്പോഴും
അവനോടും ഞാന്‍ അങ്ങിനെ അല്ലല്ലോ
എന്നവള്‍ ചേര്‍ത്ത് പറയും
അങ്ങിനെ അങ്ങിനെ
എന്റെ കാമുകിയുടെ കാമുകന്‍
എത്ര ഭാഗ്യവാനാണ്..?
അവളിത്രയും അവനെ ഓര്‍ക്കുന്നെന്ന്
അവന്‍ അറിയുന്നേ ഉണ്ടാവില്ല
അല്ലങ്കില്‍ പരസ്പരം
അവര്‍ അറിയുന്നുണ്ടാവണം
എങ്കിലും എനിക്ക്
അടുത്ത ജന്മത്തില്‍
എന്റെ കാമുകിയുടെ
കാമുകനായാല്‍ മതി
എന്റെ കാമുകിയുടെ
കാമുകനായാല്‍ മതി
അവനെ കുറിച്ച് പറയുമ്പോള്‍
അവളുടെ സ്വരം മധുരിക്കും
അവളുടെ കവിളുകള്‍ ചുവക്കും
നുണക്കുഴികള്‍ ചിരിക്കും
എനിക്കവനോടങ്ങിനെ
ഒന്നുമില്ലെന്നവള്‍ പറയുമ്പോള്‍
അവളുടെ ഹൃദയം അവനോട്
പ്രണയസാക്ഷ്യം പറയും
എന്നോടങ്ങിനെ ചെയ്തില്ലല്ലോ
എന്ന് ഞാന്‍ ചോദിക്കുമ്പോഴെല്ലാം
അല്ലെങ്കില്‍ ചോദിക്കാത്തപ്പോഴും
അവനോടും ഞാന്‍ അങ്ങിനെ അല്ലല്ലോ
എന്നവള്‍ ചേര്‍ത്ത് പറയും
അങ്ങിനെ അങ്ങിനെ
എന്റെ കാമുകിയുടെ കാമുകന്‍
എത്ര ഭാഗ്യവാനാണ്..?
അവളിത്രയും അവനെ ഓര്‍ക്കുന്നെന്ന്
അവന്‍ അറിയുന്നേ ഉണ്ടാവില്ല
അല്ലങ്കില്‍ പരസ്പരം
അവര്‍ അറിയുന്നുണ്ടാവണം
എങ്കിലും എനിക്ക്
അടുത്ത ജന്മത്തില്‍
എന്റെ കാമുകിയുടെ
കാമുകനായാല്‍ മതി
നിന്റെ ഓര്‍മകള്‍
രാവ് തോറും
ആകാശച്ചെരുവിലേക്ക് ചാടി
ആത്മഹത്യചെയ്യുകയും
രാവ് തോറും
പുനര്‍ജനിക്കുകയും ചെയ്യുന്ന
നക്ഷത്രമാവുന്നു നിന്റെ ഓര്‍മകള്‍
ആകാശച്ചെരുവിലേക്ക് ചാടി
ആത്മഹത്യചെയ്യുകയും
രാവ് തോറും
പുനര്‍ജനിക്കുകയും ചെയ്യുന്ന
നക്ഷത്രമാവുന്നു നിന്റെ ഓര്‍മകള്‍
പൊടുന്നനെ പെയ്യുന്ന പ്രണയമേ
ഒരു കാര്‍മേഘത്തിന്റെ
സൂചനപോലും തരാതെ
പൊടുന്നനെ പെയ്യുന്ന പ്രണയമേ
ഉറവയായ് നീ എന്നിലെന്നേ കനത്ത
വിരഹ ഹിമശൈലമാവാം
സൂചനപോലും തരാതെ
പൊടുന്നനെ പെയ്യുന്ന പ്രണയമേ
ഉറവയായ് നീ എന്നിലെന്നേ കനത്ത
വിരഹ ഹിമശൈലമാവാം
ഒറ്റക്കിരിക്കാന്‍ വിടാതെ
ഒറ്റക്കിരിക്കുമ്പോഴൊക്കെ
എന്നെ ഒറ്റക്കിരിക്കാന്‍ വിടാതെ
ഏത് സാറ്റലൈറ്റ് വഴിയാണ്
നീയെന്നെ കണ്ടെത്തുന്നതും
ഓര്‍മകളിലേക്ക് തള്ളിയിടുന്നതും..!!?
എന്നെ ഒറ്റക്കിരിക്കാന്‍ വിടാതെ
ഏത് സാറ്റലൈറ്റ് വഴിയാണ്
നീയെന്നെ കണ്ടെത്തുന്നതും
ഓര്‍മകളിലേക്ക് തള്ളിയിടുന്നതും..!!?
പ്രണയം
നിന്റെ
മൌനത്തില്‍ നിന്ന്
വാക്കിന്റെ അറ്റത്തേക്ക്
എത്ര ദൂരമുണ്ടാവും
അത്രത്തോളം വഴികളില്‍
പൂത്തപാരിജാതമാണ് പ്രണയം
മൌനത്തില്‍ നിന്ന്
വാക്കിന്റെ അറ്റത്തേക്ക്
എത്ര ദൂരമുണ്ടാവും
അത്രത്തോളം വഴികളില്‍
പൂത്തപാരിജാതമാണ് പ്രണയം
പ്രണയം ജനിക്കുന്നത്
മൌനത്തിന്റെ രണ്ട് ഹൃദയങ്ങള്‍
അദൃശ്യതരംഗങ്ങളാല്‍ ബന്ധിക്കപ്പെട്ട്
ഒരേ മധുര ഗീതം പൊഴിക്കുമ്പോഴാവും
പ്രണയം ജനിക്കുന്നത്
അദൃശ്യതരംഗങ്ങളാല്‍ ബന്ധിക്കപ്പെട്ട്
ഒരേ മധുര ഗീതം പൊഴിക്കുമ്പോഴാവും
പ്രണയം ജനിക്കുന്നത്
നീ ഉപേക്ഷിച്ച് പോയപ്പോള്‍
നീ ഉപേക്ഷിച്ച് പോയപ്പോള്‍
ഹൃദയം ആള്‍പാര്‍പ്പില്ലാത്ത
ഒരു വീടായി
നിന്റെ ഓര്‍മകള്‍
കടവാവലുകളായി
നിശ്ശബ്ദതയില്‍ പൊടുന്നനെ
ചിറകടിച്ചവയിപ്പോഴെന്‍റെ
ഹൃദയവേഗം കൂട്ടുന്നു
ഹൃദയം ആള്‍പാര്‍പ്പില്ലാത്ത
ഒരു വീടായി
നിന്റെ ഓര്‍മകള്‍
കടവാവലുകളായി
നിശ്ശബ്ദതയില്‍ പൊടുന്നനെ
ചിറകടിച്ചവയിപ്പോഴെന്‍റെ
ഹൃദയവേഗം കൂട്ടുന്നു
പൈങ്കിളി
നിന്റെ ജാലകവാതില്‍ കാഴ്ചയ്ക്കപ്പുറം
നിന്നെ നോക്കിയൊരു നിലാപക്ഷി വരും
നിന്നെ നോക്കിയൊരു നിലാപക്ഷി വരും
രാവ് മുഴുവന്‍ നിനക്ക് കാവലിരിക്കും
ഞാന്‍ കൊടുത്തു വിട്ട പ്രണയവരികള്‍ പാടും
നീ പതിയെ ഉറക്കത്തിലേക്ക് പോവുമ്പോള്‍
അവിടെയും നിലാവ് പൂക്കും
നക്ഷത്രപൂക്കള്‍ വൃഷ്ടി നടത്തും
നേര്‍ത്ത മഞ്ഞുകണങ്ങള്‍ നിന്നെ ചുംബിക്കും
അവയ്ക്ക് രാത്രി മുല്ലയുടെ സുഗന്ധമാവും
അത് ഞാന്‍ തന്നെയാവും
പുലരുവോളം പിന്നെ നമ്മള്‍ കാറ്റ് പുതച്ചുറങ്ങും
ഞാന്‍ കൊടുത്തു വിട്ട പ്രണയവരികള്‍ പാടും
നീ പതിയെ ഉറക്കത്തിലേക്ക് പോവുമ്പോള്‍
അവിടെയും നിലാവ് പൂക്കും
നക്ഷത്രപൂക്കള്‍ വൃഷ്ടി നടത്തും
നേര്‍ത്ത മഞ്ഞുകണങ്ങള്‍ നിന്നെ ചുംബിക്കും
അവയ്ക്ക് രാത്രി മുല്ലയുടെ സുഗന്ധമാവും
അത് ഞാന്‍ തന്നെയാവും
പുലരുവോളം പിന്നെ നമ്മള്‍ കാറ്റ് പുതച്ചുറങ്ങും
മഴനൂലുകള്‍ നെയ്യുന്ന കുട്ടി
നീ ഇങ്ങിനെ പെയ്യുമ്പോള്‍
കാറ്റിനൊപ്പം ചേര്‍ന്നെന്നെ
ഇറവെള്ളം തേവുമ്പോള്‍
ഞാന്‍ മഴനൂലുകള്‍ നെയ്യുന്ന
ഒരു കുട്ടിയാവുന്നു
കാറ്റിനൊപ്പം ചേര്‍ന്നെന്നെ
ഇറവെള്ളം തേവുമ്പോള്‍
ഞാന്‍ മഴനൂലുകള്‍ നെയ്യുന്ന
ഒരു കുട്ടിയാവുന്നു
നിന്നെ അത്രയ്ക്കും സ്നേഹിച്ച കുറ്റത്തിന്
നിന്നെ അത്രയ്ക്കും
സ്നേഹിച്ച കുറ്റത്തിന്
നിന്റെ നാമം അത്രയ്ക്കും
ഉരുവിട്ട കുറ്റത്തിന്
ഞാനിന്ന്‍ നരകത്തിലാണ്
എന്റെ സ്നേഹം കൊണ്ട്
വിശുദ്ധയായ നീ
സ്വര്‍ഗത്തിലേക്ക് പോവുമ്പോള്‍
നരകത്തിന്റെ ഓരം ചേര്‍ന്ന്‍
ഞാന്‍ സംതൃപ്തിയടയും.
സ്നേഹിച്ച കുറ്റത്തിന്
നിന്റെ നാമം അത്രയ്ക്കും
ഉരുവിട്ട കുറ്റത്തിന്
ഞാനിന്ന്‍ നരകത്തിലാണ്
എന്റെ സ്നേഹം കൊണ്ട്
വിശുദ്ധയായ നീ
സ്വര്‍ഗത്തിലേക്ക് പോവുമ്പോള്‍
നരകത്തിന്റെ ഓരം ചേര്‍ന്ന്‍
ഞാന്‍ സംതൃപ്തിയടയും.
ഓര്‍മകളുടെ ചുരം കയറിപ്പോയ പ്രണയങ്ങള്‍
ഓര്‍മകളുടെ ചുരം കയറിപ്പോയ
പ്രണയങ്ങള്‍
ഇടനെഞ്ചിന്റെ വളവില്‍
ചില അപായകാഹളങ്ങള്‍ മുഴക്കി
പൊടുന്നനെ അപ്രത്യക്ഷമാവും
പ്രണയങ്ങള്‍
ഇടനെഞ്ചിന്റെ വളവില്‍
ചില അപായകാഹളങ്ങള്‍ മുഴക്കി
പൊടുന്നനെ അപ്രത്യക്ഷമാവും
ജീവത്യാഗം ചെയ്ത പ്രണയം
ആത്മഹത്യാ മുനമ്പില്‍ നിന്ന്
താഴ്വരയിലേക്ക് ചാടി
ജീവത്യാഗം ചെയ്ത പ്രണയമേ
മരിക്കാന്‍ തയ്യാറാവാതെ
താഴ്വരക്കാറ്റായി
നീ ഇനിയുമെത്രനാള്‍ വീശും
താഴ്വരയിലേക്ക് ചാടി
ജീവത്യാഗം ചെയ്ത പ്രണയമേ
മരിക്കാന്‍ തയ്യാറാവാതെ
താഴ്വരക്കാറ്റായി
നീ ഇനിയുമെത്രനാള്‍ വീശും
കവിത ഒരു രാജ്യമാണ്
കവിത ഒരു രാജ്യമാണ്
അക്ഷരങ്ങളുടെ വിരല്‍ തുമ്പില്‍
കാഴ്ചകളുടെ കാണാപ്പുറങ്ങള്‍
മയങ്ങുന്ന രാജ്യം
അക്ഷരങ്ങളുടെ വിരല്‍ തുമ്പില്‍
കാഴ്ചകളുടെ കാണാപ്പുറങ്ങള്‍
മയങ്ങുന്ന രാജ്യം
ഒരൊറ്റ തൂവല്‍
നീ കുടഞ്ഞിട്ട് പോയ
ഓര്‍മകളുടെ ആ ഒരൊറ്റ തൂവല്‍
തിരികെ തന്ന് ഒന്നൊറ്റയാവാന്‍
കാത്ത് ഓര്‍ത്തിരിക്കുന്നു
ഓര്‍മകളുടെ ആ ഒരൊറ്റ തൂവല്‍
തിരികെ തന്ന് ഒന്നൊറ്റയാവാന്‍
കാത്ത് ഓര്‍ത്തിരിക്കുന്നു
കാത്തിരിപ്പിന്‍റെ വയലറ്റ് പൂക്കള്‍
നീ എന്നില്‍ നിന്നും
അകന്നുപോയെന്ന് പറയുന്ന
അത്രയ്ക്കും ദൂരങ്ങള്‍ക്കിടയില്‍
ഒരു ശൂന്യതയുടെ വയലുണ്ട്
അവിടെയാണ്
എന്റെ കാത്തിരിപ്പിന്‍റെ
വയലറ്റ് പൂക്കള്‍ വിരിയുന്നത്
അകന്നുപോയെന്ന് പറയുന്ന
അത്രയ്ക്കും ദൂരങ്ങള്‍ക്കിടയില്‍
ഒരു ശൂന്യതയുടെ വയലുണ്ട്
അവിടെയാണ്
എന്റെ കാത്തിരിപ്പിന്‍റെ
വയലറ്റ് പൂക്കള്‍ വിരിയുന്നത്
എന്റെ സ്വകാര്യത
ഒരു തുള്ളി വെളിച്ചം പോലും
കടക്കാത്ത വണ്ണം
അടച്ചു വെച്ചതായിരുന്നു
ഞാനെന്റെ സ്വകാര്യതയെ
എന്നിട്ടും
നിനക്ക് നിഴല്‍ വീഴ്ത്താന്‍
ആരാണിപ്പോഴുമിങ്ങിനെ
വെട്ടം തെളിയിക്കുന്നത്
കടക്കാത്ത വണ്ണം
അടച്ചു വെച്ചതായിരുന്നു
ഞാനെന്റെ സ്വകാര്യതയെ
എന്നിട്ടും
നിനക്ക് നിഴല്‍ വീഴ്ത്താന്‍
ആരാണിപ്പോഴുമിങ്ങിനെ
വെട്ടം തെളിയിക്കുന്നത്
എന്റ പ്രണയത്തിന്റെ ചങ്കും കരളും
നിന്നോട്
പറയാനുള്ളതെല്ലാം
ഞാനെന്റെ
മൌനത്തിന്റെ തുമ്പില്‍
മറന്ന് വെച്ചു.
അതിലുണ്ട്
എന്റ പ്രണയത്തിന്റെ ചങ്കും കരളും
എന്റെ യാത്രാമൊഴിയും
തിരിച്ചു തരാനെങ്കില്‍ പോലും
അവയെടുത്ത് സൂക്ഷിച്ച് വെയ്ക്കുക
പറയാനുള്ളതെല്ലാം
ഞാനെന്റെ
മൌനത്തിന്റെ തുമ്പില്‍
മറന്ന് വെച്ചു.
അതിലുണ്ട്
എന്റ പ്രണയത്തിന്റെ ചങ്കും കരളും
എന്റെ യാത്രാമൊഴിയും
തിരിച്ചു തരാനെങ്കില്‍ പോലും
അവയെടുത്ത് സൂക്ഷിച്ച് വെയ്ക്കുക
ഒറ്റമൈന
നീ വഴിയേ പൊഴിച്ച
വിഷാദങ്ങള്‍ കൊത്തിത്തിന്ന്‍
നിന്റെ വഴികളില്‍ പൂ പാകവേ
ഒറ്റക്കെന്നെ കാണുന്നവരൊക്കെയും
ദുഃഖശകുനം എന്നെന്നെ പഴിക്കുന്നു
വിഷാദങ്ങള്‍ കൊത്തിത്തിന്ന്‍
നിന്റെ വഴികളില്‍ പൂ പാകവേ
ഒറ്റക്കെന്നെ കാണുന്നവരൊക്കെയും
ദുഃഖശകുനം എന്നെന്നെ പഴിക്കുന്നു
വീര്യം കൂടുന്ന വീഞ്ഞുപോലെ
പഴകും തോറും
വീര്യം കൂടുന്ന വീഞ്ഞുപോലെ
ഹൃദയത്തില്‍ കുഴിച്ചിട്ടിരിക്കുന്നു
ഞാനെന്റെ പ്രണയം
വീര്യം കൂടുന്ന വീഞ്ഞുപോലെ
ഹൃദയത്തില്‍ കുഴിച്ചിട്ടിരിക്കുന്നു
ഞാനെന്റെ പ്രണയം
നീ വേവാവുന്നത്
നിന്റെ മത്തങ്ങാ തല
വീര്‍ത്ത കവിളുകള്‍
ഉണ്ട മൂക്ക്
കൂട്ട് പുരികം
ഇറുകിയ കണ്ണുകള്‍
വിളറിയ ചുണ്ടുകള്‍
അങ്ങിനെ അങ്ങിനെ
നിന്നെ അകറ്റാന്‍ ഞാന്‍
കാരണങ്ങള്‍ തേടിക്കൊണ്ടേയിരുന്നിട്ടും
നീ എന്തിനാണിപ്പോഴും
എന്റെ ഉള്ളിലിങ്ങിനെ വേവാവുന്നത്
വീര്‍ത്ത കവിളുകള്‍
ഉണ്ട മൂക്ക്
കൂട്ട് പുരികം
ഇറുകിയ കണ്ണുകള്‍
വിളറിയ ചുണ്ടുകള്‍
അങ്ങിനെ അങ്ങിനെ
നിന്നെ അകറ്റാന്‍ ഞാന്‍
കാരണങ്ങള്‍ തേടിക്കൊണ്ടേയിരുന്നിട്ടും
നീ എന്തിനാണിപ്പോഴും
എന്റെ ഉള്ളിലിങ്ങിനെ വേവാവുന്നത്
പ്രണയത്തിന്റെ ചുവന്ന രക്താണുക്കള്‍
സിരകളില്‍
അനിയന്ത്രിതമായി പെരുകുന്ന
നിന്നോടുള്ള പ്രണയത്തിന്റെ
ചുവന്ന രക്താണുക്കളെ
ഏത് ഡയാലിസിസ് കൊണ്ടാണിനി
ശുദ്ധീകരിക്കാനാവുക
അനിയന്ത്രിതമായി പെരുകുന്ന
നിന്നോടുള്ള പ്രണയത്തിന്റെ
ചുവന്ന രക്താണുക്കളെ
ഏത് ഡയാലിസിസ് കൊണ്ടാണിനി
ശുദ്ധീകരിക്കാനാവുക
മിണ്ടിക്കൊണ്ടേയിരിക്കുന്നത്
ഇനി നമുക്ക് മിണ്ടാതിരിക്കാം
എന്ന് നമ്മള്‍ കരുതുന്നത് മുതല്‍ക്കാവും
നമ്മള്‍ നമ്മളോട് തന്നെ
മിണ്ടിക്കൊണ്ടേയിരിക്കുന്നത്
എന്ന് നമ്മള്‍ കരുതുന്നത് മുതല്‍ക്കാവും
നമ്മള്‍ നമ്മളോട് തന്നെ
മിണ്ടിക്കൊണ്ടേയിരിക്കുന്നത്
നിന്റെ ഹൃദയം
നിന്റെ ഹൃദയം കൊള്ളയടിക്കപ്പെട്ടു
എന്നുറപ്പായതിനപ്പുറം
നീ കെട്ടുന്ന മുള്ളുവേലികള്‍
മുല്ലവള്ളികള്‍ പടര്‍ത്താനേ ഉപകരിക്കൂ
എന്നുറപ്പായതിനപ്പുറം
നീ കെട്ടുന്ന മുള്ളുവേലികള്‍
മുല്ലവള്ളികള്‍ പടര്‍ത്താനേ ഉപകരിക്കൂ
ഒരിലമറയത്ത്
ഉടലുടയാട തീര്‍ത്ത
അനുരാഗമേ
നീ പോയതില്‍ പിന്നെ
ഞാന്‍ നഗ്നനായി
വിരഹത്തിന്‍റെ
ഒറ്റക്കൊമ്പില്‍
വിഷാദത്തിന്റെ
ഒരിലമറയത്തിരിക്കുന്നു.
അനുരാഗമേ
നീ പോയതില്‍ പിന്നെ
ഞാന്‍ നഗ്നനായി
വിരഹത്തിന്‍റെ
ഒറ്റക്കൊമ്പില്‍
വിഷാദത്തിന്റെ
ഒരിലമറയത്തിരിക്കുന്നു.
ചിറകുകള്‍
പ്രണയിക്കുമ്പോള്‍
നമ്മള്‍ ഒരേ പക്ഷിയുടെ
രണ്ടു ചിറകുകള്‍
ആകാശമോഹങ്ങളുടെ
അതിരിലേക്ക് ചിറകടിക്കുന്നവര്‍
നമ്മള്‍ ഒരേ പക്ഷിയുടെ
രണ്ടു ചിറകുകള്‍
ആകാശമോഹങ്ങളുടെ
അതിരിലേക്ക് ചിറകടിക്കുന്നവര്‍
വെയില്‍ പുതച്ച് കുളിരുന്നു
നീ ആകാശം
ഞാന്‍ കടല്‍
നമ്മള്‍ പ്രണയിക്കുമ്പോള്‍
നീ പെയ്യുന്നു
ഞാന്‍ വെയില്‍ പുതച്ച് കുളിരുന്നു
ഞാന്‍ കടല്‍
നമ്മള്‍ പ്രണയിക്കുമ്പോള്‍
നീ പെയ്യുന്നു
ഞാന്‍ വെയില്‍ പുതച്ച് കുളിരുന്നു
Subscribe to:
Posts (Atom)