നീ, എന്റെ
വിഷാദരാവുകളെ
ചാറി ചാറി വെളുപ്പിക്കുന്ന
നിലാപൊട്ട്
-------------------
നീ അടച്ച് പോയ
സ്വപ്നത്തിന്‍റെ
താഴിടാന്‍ മറന്നിട്ടുണ്ട്..!!
-----------------------
നീ മഴ
ഞാന്‍ വേനല്‍
ഒരുതുള്ളിമതി
ഉടലാകെ നനയാന്‍..!!
----------------
പ്രണയത്തിന്റെ
സമശീതോഷ്ണ മേഖലകളിലാണ്
വസന്തത്തിന്റെ കാടുകളെ
ഋതുക്കള്‍ക്ക് മാറ്റാനാവാത്തത്.!!
----------------------------
കിനാവിന്‍റെ കൊമ്പത്ത്
നിലാവുകായാന്‍
പ്രണയമേ നിന്നെ
തോരാനിട്ടു..!!
---------------------
നിന്നെ പകര്‍ത്തിയെഴുതി
എന്റെ പുസ്തകത്തില്‍
ഞാനില്ലാതായി
------------------
ഇടയ്ക്കിപ്പോഴും
മഴവന്ന് പാര്‍ക്കാറുണ്ട്
വെയില്‍വറ്റിയ
ഓര്‍മശാഖികളില്‍..!!
-------------------------
ഞാനിപ്പോള്‍ ആകാശത്തിനും
നിനക്കുമിടയില്‍
കാറ്റിന്റെ ദിശയ്ക്കനുസരിച്ച്
ഭാരമില്ലാത്ത ആത്മാവായിരിക്കുന്നു..!!
-------------------------------
രാത്രിയുടെ വാതില്‍ തുറന്ന്
നിലാവിന്‍ തിരികൊളുത്തണം
-------------------------------
ആകാശക്കടലിലേക്ക് ചാടണം
---------------------------------
കുപ്പിയിലടച്ച
നിന്റെ ശബ്ദങ്ങളെ
ഇനി എന്നാണ്
തുറന്നുവിടുക..!!
---------------------------
നിന്റെ ചിരിയുമ്മകള്‍
കൊഴിഞ്ഞെന്റെ
ഹൃദയത്തില്‍ മുളച്ച
ചുവന്ന പൂക്കള്‍ സാക്ഷി
---------------------------
നീയും ഞാനും
ഒരൊറ്റ ഭൂമിയിലെ
രണ്ട് കാടുകള്‍
കടലുകള്‍
ആകാശങ്ങള്‍..!!
-----------------------
No comments:
Post a Comment